明報Emily:
周日沙田諮詢施政報告CY又落區袁彌明蒐鞋掟
特首梁振英（CY）過去幾次落區嘅場面都好混亂，場內場外不時出現兩陣對罵，嘈到拆天，不過梁振英無有怕，嚟緊星期日（24日）會就施政報告到沙田舉行第一個地區諮詢。人民力量主席袁彌明（Erica）話，會有人排隊攞飛，另計劃參考台灣人反對總統馬英九嘅做法，嚟緊會收集市民嘅「臭鞋」，搵個機會掟向梁振英。
Erica透露，佢話星期日會場外就會第一次收集「臭鞋」，日後亦會喺各區做，等啲唔鍾意示威但又想表達對政府不滿嘅人都能參與，有信心可以收到幾萬對鞋。佢又批評民政總署要排隊攞飛嘅安排好差，梁振英落區只係個幾鐘，但就要泛民、建制甚至長者齊齊瞓街十幾個鐘。
Search